200 Halaman Pertama Novel Cantik Itu Luka

 

WhatsApp Image 2021-01-13 at 21.04.24

Januari wis meh kelakon setengah wulan lur, tapi nyong urung gawe review acan… 😣 Ana sih, nang instagram, be cendek-cendek. Kadang-kadang hawane kaya kie si, mung pengen maca bae ora pengen nulis review.

Tapi nek ora nulis review #ReboBuku -ne nyong ottoke??

Nyong pengen crita bae laa, apa sing tak rasakna pas akhire maca buku sing paliiing tak pengini sedawane taun 2020. Benerr, bukune sing wis terpampang nyata nang judule postingan iki. Cantik Itu Luka-ne Eka Kurniawan.

Miturut sing kecetak nang samak mburine Cantik Itu Luka wis diterjemahna maring lewih sekang 30 bahasa, juga wis menangna World Readers Award 2016. Nyong juga sering krungu pada ngomong nek buku iki apik, tur ya pancen se-worth it ituuu.

Kayane nyong urung tau nemoni ana sing ngomong ora seneng buku iki.

Tapine nyong maca deneng malah akeh bingunge. Jane urung tekan 200 halaman juga si, nyong mbene tekan halaman 195 akhir Bab 7. Arep otw Bab 8, tapi eseh musmet mikirna kelakuane para tokoh-e. 😵 Uteke wes kaya apan ora nyandak pokoke.

Sing nyong ora nyangka, jebul isine lumayan eksplisit ka lah. Ya nyong juga dadi paham apa gunane penanda umur 20+ nang nduwur barcode ISBN-e. Ora kebayang nek nyong maca pas esih umur-umur 15, 16, 17 kayane rasane lewih mumeti. Gelem-gelem nyong lewih syok kang kie.

Udu sebab bukune ora apik, udu sebab critane ora menarik. Babagan crita si aja takon lur, pancen lumayan page-turning kie buku. Sing marakna mumet kue justru konflike sing berlapis-lapis, karo karakter para lakone sing terlalu ora biasa kanggone nyong. Lakone kan akeh ya, kui juga nyong mandan kangelen ngemut-emut. Terus ndilalah sedawane 195 halaman sing wis tak waca ki kaya, lakone nyeleneh kabeh. Asli, nyong ngasi mumete pol. Maca mung anane hah-heh-hoh??

Kawit sekang critane kaki-nini-ne Dewi Ayu sing pertama kali marakna nyong nggone maca karo nyurang-nyureng hahaha, terus rama biyunge Dewi Ayu, nganti critane Dewi Ayu dewek, terus wong-wong sing ditemoni nang Dewi Ayu, anak-anake Dewi Ayu, kabeh critane kaya ora ana sing ora nyeleneh 😭 Tapi justru kui dadi sing marakna rame, sing marakna penasaran pengen molak malik halamane terus.

Terus terang bae nyong ora mandan siap maca buku iki, akeh adegan-adegan kekerasan karo adegan seksual sing kanggone nyong marai kurang nyaman sebab mandan ora biasa. Tapi nyong wis semene nek ora tak lanjut mesti nyong kepikiran bae.

Nek critane ya pancen apik, ora biasa, tapi nyong dewek kayane urung ngrasa seneng maring buku iki. Nyong esih ngenten-enteni gong-e. Nyong pengin ngrampungna tekan halaman terakhir ben bisa mahami kenangapa buku iki bisa seterkenal kae, bisa kabeh wong sing tak takoni ngomong apik, kui sing marakna nyong penasaran.

Nyong urung akeh maca buku fiksi-sejarah, nyong juga kurang seneng maca crita-crita perang, dadi kadang bagian-bagian perange tak liwati. Jane nyong paling penasaran karo anak bontote Dewi Ayu sing ora ayu nanging diarani Si Cantik nang Dewi Ayu, tapi tekan 195 halaman iki nembe arep mulai critane Alamanda, anak mbarepe Dewi Ayu. Terus lakon-lakon sing semana akehe kae, nyong pengen ngerti benang merah-e.

Tekan semene pancen nyong urung seneng karo buku iki, tapine rasa penasaran sing tumpuk-tumpuk iki kayane cukup dadi pendorong ben maca tekan rampung. Nyong ya karo mandan siap-siap arep nerusna, arep keprige-prige nyong urung terbiasa karo kelakuan-kelakuan nyelenehe lakon-lakone. Wkwk.

Asli maca iki gur gedak-gedek anane, bertanya-tanya nyong, apa jaman semana pancen kauripane wong-wong kaya kue? Serem juga iya.

O iya, donge sinopsise tak selehna nduwur mau ya, tapi nyong klalen hehe, tak drop link goodreads bae ya lur.. monggo…

https://www.goodreads.com/book/show/23863744-cantik-itu-luka

Biasane nyong karo nyambi maca buku liya, tapi iki mbuh ngapa agi ora pengin mendua, lur, wis meh seminggu nyong maca Cantik Itu Luka iki, tapi ora ana tanda-tanda rampung seminggu kayane si. Wkwk. Tapi nek maca gur mburu-mburu gelis rampung ben itungan nang goodreads-e akeh ya mengko dadi ora menikmati bukune ya lur? Dadi nyong sante bae la… Lagian ora sanggup cepet-cepet nyong, mikirna arep ana kedadean nyeleneh apa maning nang bab selanjute be nyong wis aduh…. Prige yaaa… Hahaha…

Yawis lah kayane tekan kene disit #ReboBuku -ne ya lur.. matur suwun sing wis maca.. Dadah~

Wassalam…

Diterbitkan oleh Ma'rifah

Bocah ngapak dawet ayu...

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

%d blogger menyukai ini: